في الثانوية العامة.. الحالمون بـ"الطب" يرجون شفاعة "الأحياء"

بدء منذ قليل امتحان طلاب شهادة الثانوية العامة، شعبة علمي العلوم منها، لمادة الأحياء، التي تمثل الأصعب، وسط ترقب منهم ومن أولياء الأمور لما تحتويه امتحان من أسئلة ومستوى صعوبته.

"بنتي اختارت علمي علوم علشان تدخل طب، وبتحب مادة الأحياء جدا لأن بتمثل جزء مصغر كدة للمواد اللي هتدرسها في الكلية، وأتمنى ربنا مايكسرش بخاطرها ويجي الامتحان سهل وتفرح بمجموع يدخلها الكلية اللي بتحلم بيها"، قالتها عزة وهي تجلس أمام المدرسة التي تؤدي ابنتها الامتحان داخل لجانها، بينما تتمتم بين الحين والآخر بكل ما حفظه قلبها من أدعية واذكار عل الله يرزق ابنتها حسن الإجابة في المادة التي يعتبرونها الأصعب من بين مواد الشهادة الثانوية.

إيمان، احدى اولياء الامور تقول :"عدت فترة المواد الثابتة الأساسية وبدأت في امتحانات الثانوية دلوقتي امتحانات المواد الإختيارية، وفي الغالب بتكون الأصعب لأنها بتوضح قدرات الطلاب بالنسبة للكليات اللي بينتظروا يدخلوها وعلى أساسها اختاروا المواد سواء كانت العلمي بفرعيه أو الأدبي، وعشان كدة احنا أولياء الأمور قلقانيين جدا من شكل الامتحان لأنه بيرسم مستقبل الطالب لسنيين قدام، لكن مفيش في إيدينا غير إننا ندعي ونرجو من الله التوفيق".