تحقيق موسع في جامعة عين شمس للوقف على ملابسات استقالة «طبيب» تعرض للظلم

وأشار عميد الكلية، إلى أن الطبيب استلم فترة عمله بعد انتهاء تكليفه خلال شهر نوفمبر الماضي، لمدة 3سنوات تنتهي أكتوبر 2024، وتقدم باستقالته في 26 يناير 2022، بسبب التزامه بمعادلة ممارسة مهنة في إنجلترا.

كان الطبيب محمد الشرقاوي، طبيب مستشفى الدمرداش، قد نشر على صفحته على فيسبوك: (النهارده خلصت إجراءات الاستقالة من جامعة عين شمس، وأنا والله لا عايز أبقى معيد ولا مدرس مساعد ولا حتى أستاذ، أنا كل اللي عايزه شوية كرامة وسلام نفسي ومعاملة محترمة، ودي حاجات مش بتتلاقى بسهولة في مستشفيات الجامعة).

وأضاف طبيب "الدمرداش"، بحسب المنشور الذي لقي اهتماما كبيرا من رواد المنصة، أن مستشفيات جامعة عين شمس تقوم بتفضيل مَن هم أقدم في التعيين؛ حتى إن كانوا من نفس الدرجة العلمية وتخرجوا في نفس العام، بالإضافة إلى غياب تام للرقابة والمحاسبة من قِبل المستشفى؛ حيث قال: "الجامعة ماشية بنظام السينيوريتي؛ يعنى الأكبر منك أو اللي استلم قبلك له أفضلية عليك؛ وطبيعي جدًّا إنه يكون فيه شوية مميزات للسينيور، لكن للأسف الشديد اللي بيحصل أثناء محاولة تطبيق المميزات دي إنه السينيور (مش كلهم الحقيقة) بيكتسب سلطة مطلقة على الجونيور تخليه يقدر يحرمه إنه ينام أو يروح بيتهم أو حتى يروح ياكل، والكلام ده مش مبالغة، وفي غياب المحاسبة بيبتدي الطرف صاحب المميزات والسلطة يمارس ساديته ويطلع عُقده على كل اللي تحته، والمشكلة إنه كلنا رغم أننا اتحطينا في نفس الظروف وأخدنا نفس القدر من التعليم؛ لكن للأسف ما أخدناش نفس القدر من التربية، فبيبقى كل طموحك كطبيب لسه مستلم (جونيور يعني) إنك تروح تلاقي السينيور اللي هتقع معاه شخصية متربية وماعندهاش عُقد".