مؤسس "أمهات مصر" تفتح ملف استعدادات الدراسة مع أولياء الأمور

تفاعلت عبير أحمد، مؤسس إتحاد أمهات مصر للنهوض بالتعليم، وائتلاف أولياء أمور المدارس الخاصة، مع أولياء الأمور علي صفحة الإتحاد ودار نقاش مع مئات الأمهات حول مدي الإستفادة من إجازة نصف العام واستعداداتهم لبدء الدراسة بالفصل الدراسي الثاني الأسبوع المقبل.

وقالت ولي أمر: "هو إحنا لحقنا نشم نفسنا؟، لكن نقول إيه بقى ربنا يقدرنا على التيرم الثاني لأنه قصير جدا جدا بسبب رمضان والعيد وللأسف الشديد المنهج طويل خصوصاً منهج رابعة طب، في إشارة منها لمنهج الرابع الإبتدائي"

وأضافت وأي أمر أخري: "هو ماينفعش نطلب من الوزاره نمد الإجازه أسبوع واحد كمان"، وتابعت أخري: الإجازة عدت بسرعه جدا يدوب بس سافرنا إسكندرية وباقي أيام الإجازة الولاد على الألعاب الإلكترونية وشويه مع أصحابهم وشويه طبعا دور البرد والحمدلله على كل حال".

واستكملت ولي أمر: "الحمدلله قضينا الإجازة فى التعب وهى أصلا أسبوع ولحد دلوقتى تعبانين وبدأنا دروس ربنا يقوينا على الترم التانى"، وذكرت أخري: "قضينا الإجازة بين الاوميكرون والكورونا والحمد لله، ومش مستعدين للدراسه ولا للمذاكره، إحنا عايزين فترة نقاهه خمس سنين فى جزر المالديف للعلاج النفسى".

"ولادي سنه ثانيه وثالثه إبتدائي كنت بكمل معاهم منهج الترم الأول وبدأت معاهم في منهج الترم الثاني"، تضيف ولي أمر أخري: "والله ولا خدنا ولا يوم هما خلصوا إمتحانات والمدرسين بدأوا دروس على طول يعني بناخد السنه كلها نفس واحد"، وتابعت أخري: "الإجازة جريت بسرعه بس أهو ريحنا حاجه بسيطه ربنا يقوينا علي الترم التانى يارب".

وقالت ولي أمري: "الحمدلله ريحنا شويه، هي إجازه صغيره بس مستعدين إن شاء الله، التيرم الثاني صغير عاوز يبتدي صح من أوله، ربنا معانا يقوينا ويقوي أولادنا".

"يعتبر مخدناش إجازه، تاني يوم إجازه بنتي عمله عمليه ولسه بتتعافي وترم 56 يوم محصلش شهرين ومحتوي مناهج كبير جدا مينفعش كل كميه دي مع عدد الأيام دي مع داخله رمضان كمان ربنا يستر".