أستاذ علم نفس: "البنات بتحط خطة الحرب العالمية الخامسة قدام المراية قبل كل خروجة"
أوضح الدكتور فتحي الشرقاوي، أستاذ علم النفس بجامعة عين شمس، أن السيدات تقف بالساعات أمام المراية لتجميل نفسها، قائلا "يعني ايه قبل ماتخرجي من بيتك تفضلي واقفة بالساعات قدام المراية كأنك بتحطي خطة الحرب العالمية الخامسة، لدرجة أنك ممكن تتنرفزي على اي حد يجي جنبك ساعتها من كتر الدقة والتركيز في المكياج خاصة لما بترسمي عينك وبتحطي الشادو".
وأضاف الشرقاوي، متسائلا "كله كوم والمسكرة كوم تاني كل اللي فات ده موافقين عليه، لكن السؤال الهام، ازاي أول ما بترجعي لبيتك بتفضلي برضو بالساعات الطويلة وأنتي مشغولة بإزالة كل مايمت لهذا المكياج من أثر؟، السؤال هو حضرتك ليه مابتتجمليش وأنتي قاعدة في البيت وتحطي مكياجاتك وكأنك خارجة بره البيت؟".
وتابع أستاذ علم النفس بجامعة عين شمس، قائلا
"الجمال الحقيقي أنك تشوفي نفسك جميلة جوه نفسك قبل ماتفكري ازاي هتبقى جميلة
في نظرهم عرفتم دلوقتي قيمة الست أو البنت اللي بتتجمل وهى قاعدة في أوضتها لوحدها
بين أربع جدران وبابها مغلق عليها وكأنها تتأهب للخروج بالضبط تحياتي وتقديراتي لهذه
الشخصية".
وأوضح الشرقاوي، قائلا "أما اللي بتفضل ساعتين
عند الكوافير علشان خارجة مناسبة وأول ماتدخل البيت تقوم مفركشة الفورمة دي وترجع تلم
شعرها بتوكة او بأستك وتلفه بحتة إيشارب وهى قاعدة، دي بقى ربنا ياخدها ويريحنا منها،
الجمال جوانا وفينا مش برانا وحوالينا".
