أستاذ علم نفس بجامعة عين شمس: اختبر 3 أشياء مهمة لمعرفة ثقتك بنفسك
قال الدكتور فتحي الشرقاوي أستاذ علم النفس بجامعة عين شمس، إن هناك 3 أشياء مهمة لمعرفة إذا كنت واثق من نفسك، اختبر نفسك في 3 أشياء مهمة وهي:
أولا-
مدى وعيك بذاتك Self Awareness:
"هل
أنت واعي بسماتك وقدراتك وانفعالاتك بحيث تقدر تعمل الحاجة اللي تتفق معاك ام أنت غير
واعي باللي جواك وبالتالي بتعمل سلوكيات وتقول كلام وبعدها تكتشف أنك مش قادر تكمل
وأن أمكاناتك وقدراتك لا تؤهلك للقيام بها فتفشل ويجيلك إحباط الناس اللي بتفضل تقول
هنعمل وهنعمل ومابيعملوش أي حاجة درجاتهم على البعد ده هتبقى ضعيفه جدا".
ثانيا-
مدى تقبلك لذاتك Self
Acceptance :
"هل
تحب وتتقبل نفسك أم تشعر بأنك مخاصم نفسك ومش متقبلها وعلى طول متضايق منها، وأن كنت
متقبل لنفسك وبتحبها وبتقدرها، هتلاقي نفسك بتعمل اي حاجه بدافعية عالية وحب والعكس
صحيح تماما، ازاي أعمل حاجة لنفسي وأنا غير متقبلها ولا أحبها، الناس اللي مش طايقين
نفسهم ولا طايقين ظروفهم وناقمين على حياتهم درجاتهم على البعد ده هتكون ضعيفة جدا".
ثالثا-
مدى اعتمادك على نفسك Self Reliance :
"هل
تملك القدرة على تحقيق ماتريد دون الاعتماد الكامل على الآخرين نتيجة احساسك بوعيك
بنفسك وتقبلك لها ام لأ؟، والناس اللي طول الوقت معتمدين أن فلان وعلان هيعملهم اللي
عاوزينه الناس اللي كده هتكون درجاتهم على البعد ده ضعيفة جدا".
وأوضح
الشرقاوي، قائلا "اختبر نفسك وأعطي نفسك على كل واحدة درجة من 5 درجات المجموع
الكلي للثقة بالنفس 15 حدد درجتك على الثقة بالنفس، وبعدها هنتكلم ازاي نرفع الدرجة
دي مع بعض".
