سائق استفرد بـ«إسراء» فى الباص بعد انتهاء الحصص
كشف "كشكول" فى تحقيقه عن كارثة التحرش بتلاميذ المدارس ،عدد من الوقائع من بينها واقعة اعتداء سائق علي طالبة فى الصف السادس الابتدائى بعد انتهاء اليوم الدراسي
«إسراء» طالبة فى الصف السادس الابتدائى بمدرسة أبوبكر الصديق فى مدينة 15 مايو، روت قصّتها شقيقتها الكبرى: «مشكلة أختى إنها حساسة جدًا، وبتتكسف لأن سنها صغير، وقدمنا لها فى المدرسة دى من صغرها، واشتركت فى باص المدرسة».
تضيف:
«الواقعة بدأت مع الباص اللى بيعدى عليها كل يوم عشان ياخدها المدرسة.. السواق بتاعه
كان غريب وبيمد إيده على أختى كتير، ويعمل نفسه بيساعدها عشان تطلع أو تنزل، ويحط إيده
عليها ويتحرش بيها».
وتواصل:
«فى يوم طلب من أختى انتظاره فى المدرسة بعد انتهاء اليوم الدراسى، بدعوى أنه سيوصل
الطلاب ويعود ليأخذها، فوافقت وفضلت فى المدرسة ساعة بعد انتهاء اليوم الدراسى، وجه
فى الآخر خدها وفضلت معاه فى الباص لوحدها».
حينها-
حسب ما ترويه شقيقتها- اندفع يقبلها ويلمس أجزاءً من جسدها، لكنه لم يصل إلى حد الاغتصاب
أو هتك العرض، وقالت: «جت اليوم ده منهارة وبتعيط، ولما ضغطنا عليها اعترفت بكل اللى
حصل من أول يوم لحد آخر حاجة».
تؤكد
الشقيقة الكبرى أن الأسرة لم تحرر محضرًا، بل قاموا بالاعتداء على السائق وتغيير المدرسة
والباص الخاص بها، مختتمة: «الواقعة أثرت فى نفسيتها جدًا، وزادت انطوائيتها وكانت
رافضة تخرج من البيت، لحد ما مر وقت كتير».
