أستاذ علم نفس بعين شمس يوضح نوعين من الزعل و"كسرة النفس"

قال الدكتور فتحي الشرقاوي أستاذ علم النفس بجامعة عين شمس، إن هناك وجع ممكن الإنسان أن يشعر به عند فقدان شئ منه كان يحبه جدا ومتعلق به، مشيرا إلي أن هذا أمر طبيعي والوجع يقل مع مرور الوقت والاعتياد.

وأضاف الشرقاوي، في منشور له على صفحته على الفيس بوك، أن هناك وجع من نوع آخر ممكن الشعور به عندما يخيب ظن وأمل الشخص في أخر كان يثق به وقام بخذلانه، قائلاً "الشخص ده كان سندك وضهرك وكنت معتمد عليه، والنوع ده بقى من الوجع من الصعب نسيانه بسهولة، عارف ليه؟، لأن وجعك ساعتها، بيبقى مش لان حاجه ضاعت منك لأ وجعك في اللحظة دي بيبقى على نفسك، اللي ضاعت منك وأملك اللي خاب في نفسك".

وتابع أستاذ علم النفس بجامعة عين شمس، قائلاً "اللي ممكن يزود وجعك أكتر وأكتر، ان نفسك بتبقى صعبانه عليك قوي، لو وصلت للمرحلة دي، قوم على طول دلوقتي طبطب عليها وخد بخاطرها وماتعنفهاش ولا تقسو عليها وصالحها"، مضيفاً "مش كفايه الوجع اللي فيها، هى نفسك هتلاقيها منك ولا من اللي خيب أملها، صدقني نفسك اللي جواك هى الوحيدة اللي باقيالك".