"فوتوسيشن ست الحبايب" يخطف أنظار رواد السوشيال ميديا
احتفل أحمد حامد حجازي أحد طلاب كلية الآداب جامعة طنطا بتخرجه بطريقة لفتت إعجاب الكثيرين على موقع التواصل الإجتماعي "فيس بوك".
واتفق
أحمد مع أحد المصورين لالتقاط بعض الصور التذكارية برفقه والدته ، وانتشرت الصور بسرعة
البرق على الفيس بوك وانهالت التعليقات الايجابية على منشور الطالب بعد دقائق من نشره.
وعلق
"أحمد" قائلًا":" أمي حياتي صاحبة أجمل ضحكة في العالم، لو فضلت
أعد هي بتعمل معايه إيه من أول ما اصحي لحد ما أنام كل يوم، لو فضلت أقول هي تعبت ف
حياتها قد إيه عليا وعلى أخواتي وعلى اخواتها مش هقدر أديها حقها؛ فقدت أغلي ما حياتها
اللي هي أمها وهي صغيرة فبقت أم لأخواتها وشالت المسؤلية في وقت المفروض تعيش فيه طفولتها
زي البنات اللي في سنها بس شالت المسؤلية وبقت أم وهي طفلة تعبت".
وتابع:"ربت
أخواتي اللي من الأب وغيرت فكرة مرات الأب (والدتهم متوفيه) ربتهم زي ولادها أكتر ومكنش
في أي فرق بيني أنا وأخويا وأخواتي اللي من الأب؛ تعبت كتير ولسه بتتعب وربنا عوضها
خير في حياتها وحاولت افرحها بحاجة بسيطة والحمد لله حصل؛ أمي أعظم ست في الكون؛ الأم
المثالية؛ الست المصرية اللي بجد ؛ حياتي من غيرها ولا تسوا وربنا يديها الصحة وطولت
العمر مش بوست اللي هيبين قد ايه هي تعبت وقد إيه أنا بحبها .. بس أنا بحبها فوق الوصف
مش هنسي فرحتها بتخرجي أبداً وربنا يديها الصحة وطول العمر".
