أغاني مهرجانات ورقص .. فضيحة أخلاقية في أول يوم دراسي بجامعة بني سويف (فيديو)
تداول نشطاء موقع التواصل الاجتماعي "فيس بوك"، مقطعاً لأول يوم دراسي بجامعة بني سويف، حيث أقامت الجامعة مهرجاً لاستقبال الطلاب الجدد مع بداية العام الدراسي 2019/2020، أمام قاعة الاحتفالات.
وقام الطلاب بالرقص على أغاني المهرجانات، في مشهد شهد حالة من الاستهجان والرفض، ونشر أحمد السيد رئيس اتحاد طلاب جامعة بني سويف السابق، عبر صفحته بموقع التواصل الاجتماعي "فيس بوك": " عايز حد عاقل يرد عليا رد منطقي، ويقولي المسخرة دي ودا أقل ما يقال عنها ازاي تحصل في حرم جامعي أول يوم دراسي تحت مرأى ومسمع من الجميع؟!، والأدهى إنه تحت مسمى "استقبال الطلاب الجدد ".
وتابع: "لما دخلت كلية الطب جامعة بني سويف في ٢٠١٢ استقبلونا زمايلنا
من الدفعات الأكبر بمباركات وإبتسامات ومواد علمية وتيسيرات ونصائح قيمة اقسم بالله
العظيم لسا فاكرها حتى الآن، وعلى الرغم من إني مش الأقدر على نقلها والنصح بها. لكن
على كل دفعة كانت بتيجي عليا كنت بقف أنا وزمايلي أردد نفس الكلام اللي اتقالي من سبع
سنين لوجه الله عشان واحد منهم بعدين يقف ويساعد وينصح ويقول للي بعده ولو جزء من اللي
هيسمعه مننا ويوجهم لبداية مستقرة اكثر اشراقًا لحياة جديدة تمامًا".
واختتم: "حياة هيتشكل فيها وعي وثقافة وعلم وشخصية وافكار
وتطلعات وطموحات مراهق لسا عنده ١٨ سنة هيتخرج من الجامعة على مشارف الـ ٢٣ واكثر ف
سنوات بالتأكيد هي الأكثر تأثيرًا على مستقبله وحياته، لما يبقى أول يوم ليهم ف الجامعة
ونستقبلهم واحنا بنصدرلهم قلة القيمة وانعدام الذوق وواقفين نتفرج ع رقصهم على الانحطاط
دا يبقى مستني منهم يقدموا ايه لأنفسهم واهاليهم ووطنهم بعدين ؟!!، اعتراضي مش على
الفعل نفسه لإن دا بيحصل *طلابيًا* في كل السنوات ف حفلات التخرج لكن اعتراضي على إن
دا اتنفذ بإيد الجامعة نفسها وف توقيت زي دا استقبالًا للطلاب الجدد".
لمشاهدة باقي الفيديوهات اضغط هنا ، وهنا
