مسابقة في المعلومات الطبية بطب الأزهر..والإجابة بـ50 جنيها

تداول نشطاء على موقع "فيسبوك"، صور للدكتور هاني عبد المؤمن أستاذ الجراحة بكلية طب البنين بجامعة الأزهر بالقاهرة، أثناء إجراءه مباراة بين الطلاب في بعض المعلومات الطبية.

وقال النشطاء " في ظل الفيديو المنتشر لأستاذ جامعي بيبهدل فيه طالبة عنده قدام زمايلها بشكل مهين جدا و بيطردها، النهارده في محاضرة جراحة الأوعية الدموية في المستشفى الدكتور ده كان شغوف إنه يعلمنا و لو معلومة واحدة أو طريقة تفكير صحيحة في إنك تلقط القدم السكري، وإيه قراراتك بالتدخل الجراحي و غيره".

وتابعوا " الدكتور سأل سؤال بسيط بس مهم قال اللي هيجاوبه هياخد50 جنيه و لما واحد جاوب قام الدكتور مطلع من جيبه 100ج و حطها ع الترابيزة، وبعد المحاضرة اادها لصاحب الإجابة الصحيحة، و قاله معييش فكة فخد الـ50 جنيه بتاعتك، و الـ50 التانية هات لزمايلك أي حاجة بقى".

وتابع المنشور " الطلاب بيهزروا مع بعض بيقولوا للي خد الفلوس احنا عاوزين نفطر بقى، الدكتور بعد ما خرج من باب القاعة رجع تاني و قالنا عاوزين فلوس تفطروا بكام طيب؟، قام مطلع 200جنيه، و دخل لحد عندهم يديهلهم، طبعا اعترضنا و محدش رضي ياخد الفلوس بعد محايلات من الدكتور".

واختتم المنشرو "الدكتور هاني عبد المؤمن أستاذ جراحة في طب الأزهر، كان حريص نتعلم حاجة جديدة، ولو معلومة واحدة بس صح، نستفيد بأي طريقة حتى لو هيدفع فلوس من جيبه، بس كان علمه و أخلاقه هما اللي دفعهم و كسب بيهم حبنا و فهمنا".