بعد إلغاء حفل التخرج .. طالبات صيدلة الأزهر يستنجدن بـ"المحرصاوى"

وقالت الطالبات:"باختصار وعلشان مطولش عليكم احنا كان المفروض نعمل حفلة تخرجنا من شهر 8 العميده كانت عايزه الحفله ع طريقتها الدفعة اعترضت ع كلامها ولما صممت قررنا نعمل الحفله برا الكليه لأنه مكناش هنعرف نحجز قاعة الأزهر للمؤتمرات من غيرها".

وتابعن:"فضلنا ع تفاوض معاها وقالت إنه هنحجز القاعه وهنعمل الحفله بس ع شهر 1 لان القاعه مفيهاش يوم فاضي قبل يوم 24/1".

وأوضحن الطالبات:"وفجأة من كام يوم بعتت أنه مجلس الكليه قرر يلغي حفلة تخرج دفعة 2019 نظرا لسوء سلوك الطالبات واحنا مقدمناش أي إساءة ومش متخيلين ازاي يبقي قرار أنه ميتعملناش حفله تخرج احنا قعدنا 5 سنين ف الكليه وبهدله ومستنين اليوم ده بفارغ الصبر علشان نشوف الفرحه ف عيون أهالينا ونفرح زي باقي الكليات ف ازاي يكسروا فرحتنا وفرحة أهالينا!".

وقال الطالبات:"رجاء ارفعوا البوست نيابة عن دفعة ٢٠١٩ عايزين البوست ده يوصل لرئيس الجامعه احنا مش بنطالب بأكتر من حقنا أنه نفرح ويتعملنا حفله تخرج وياريت لو يشرفنا رئيس الجامعه الدكتور المحترم المحرصاوي ف الحفل وجزاكم الله خيرا"