"أنا اللي هاعلم بنتي".. مبادرة صيدلي للعناية بشعر الأطفال
أطلق أحد الصيادلة ويدعى عمرو حجازي، مبادرة عبر صفحات التواصل الاجتماعي "فيس بوك" لتوعية الأطفال من خلال ابنته "نور" أفضل الطرق لجيل فاهم، وأطلق على المبادرة شعار "أنا اللي هاعلم بنتي".
وكتب
"حجازي" عبر صفحته بموقع التواصل الاجتماعي:
1- متظلمش
الشامبو والبلسم فى تساقط شعرها، لأنها لو بتسرح شعرها وهو مبلول فدا هو أقوى سبب
التساقط، فالشعر بيكون في أضعف حالاته، بسبب تكسير الروابط الهيدروجينيه بالماء، فلازم
نجفف الشعر بلطف يكون مندي برضه عشان يسهل التسريح.
2- تقول
لمامتها ياماما من فضلك بلاش تسرحيلي شعري وتشديه لورا عشان البصيلات بتموت ومترضليش
ياماما شعري يقع فسرحهولي على جنب بليز زي الصورة.
3- الشتا
لما بيدخل الشعر بيكون أكثر جفاف وبيتقصف، وعشان كده لازم نستعدله بزيت جوز الهند
الرائع الجميل اجمل هدايا الطبيعه من ربنا سبحانه وتعالى.
4- لما
الشعر يهيش معناه ‘نه بيستغيث بيكى وبيقولك الحقينى رطبيني لأنه فقد الدهون بتاعته
وأصبح هايش، وأفضل المرطبات هيكون زيت جوز الهند او اللوز الحلو وتستخدم مشط
الهيشان وتلف شعرها وتلبس بونيه مددة ساعة.
5- متقلقش
لما تشوف زيت جوز الهند بيتجمد فى الشتا لأن دا أكبر دليل على أن الزيت خام وطبيعى
وكده هنقدر نستفيد بيه حتى وهو متجمد كانه كريم للتسريح وينعنش شعرنا .
6- طالما
مبنخرجش برا البيت كتير ومبنتعرضش للشمس بحكم إننا عايشين فى السعودية يبقى
بينقصنا حاجه مهمة أوى وهى فيتامين د "فهنشترى vi drop"، وطالما عمرك فوق السنة
ياحبيبتى يبقى هناخد كل يوم 6 نقط بس يومياً ودي الجرعة الوقائية.
7- متشربش
اللبن وتشرب بعده شراب الحديد، عشان الكالسيوم اللي في اللبن بيقلل امتصاص الحديد
وكده مش هنستفيد من شراب الحديد .
8- غسول
البشره مهم جداً للحفاظ على نظافتها وإن التونر أهم عشان يحافظ على نضارتها وأرخص
وأفضل تونر هي مكعبات ماء ورد ونمشيها على البشرة يومياً.
9- عشان
نحارب فقدان الكولاجين اللى بيقل بعد 21 سنه بنسبة 1% سنويا لازم نستخدم كريمات
الترطيب وخصوصا كريمات الغنيه بفيتامين سى وجلسات الديرمارولر والديرمابن، لأن
كريمات الكولاجين والدهب غير فعااله لعلاج التجاعيد ولازم تفهمي كده.
10- تحارب
حب الشباب، احكيلها عن قصة البكتريا النافعة صديقة البشرة اللي بتبقى موجودة على
جلدنا وتدافع عنه، لكن احنا بنغدر بيها وبنقتلها بالصابون والشامبو القلوى اللى
بنغسل بيه وشنا، عشان كده هاعلمها قاعدة acid mantle، يعنى عشان بشرتي تفضل صافية
وجميلة هاستخدم غسول مكتوب عليه ph5.5،
وانصحها لما تكبر متستغناش عن بخاخة ماء الورد في التلاجة وترش على بشرتها مرتين أو
تلاته كل يوم تصبح
على البكتيريا
النافعة اللي هتدافع عن بشرتها.
11- البهاق
نجمة لامعة عند زميلتها، ومش مرض ومش معدى، وتتعامل عادى جداً مع أصحابها اللى عندهم
بهاق وتلعب معاهم وتصاحبهم.
