"اللي ممعهوش ميلزمهوش".. تبرعات التحويل بين المدارس الحكومية ترهق أولياء الأمور

ظهرت الصور أولياء الأمور، يحملون مراوح سقف، كتبرع للمدرسة، للموافقة على قبول تحويلهم. 

من جانبها قال أماني الشريف، مؤسس اتحاد التجريبيات، ان هؤلاء أولياء الأمور  لكي يضمنوا أن يجدوا مكان لولادهم في مدرسة حكومية يتم ابتزازهم ماديا وتم طلب تبرعات ترهقهم وترهق ميزانية الأسرة اللي بتقدم في مدرسة حكومي ومصاريفها في السنة لا يتعدى ١٦٠ جنيه .

وأضافت: "أن الناس دي في منهم كتير مش عنده مروحه في بيته وفي منهم بيستلف علشان يكمل يومه لكن غصب عنه هيجيب اتنين مروحه علشان يضمن مكان لولاده ويتعلموا وفي منهم بيدفع الفين وثلاثة وأكثر ويستلف ويتداين طالما مافيش رقابة ومحدش هينصفه، و"اللي ممعهوش ميلزمهوش" .

وتابعت أنه تم الإعلان عن وجود رابط تحويلات إلكترونية لمنع أي تدخل بشري فاسد في الموضوع، متسائلة ليه دلوقتي سايبين الرشاوي على البحري كده .

وطالبت مديرية الجيزة بحسم الأمر والتسرع في تفعيل الرابط الالكتروني لوقف هذه المهزله، بالاضافه الي التكدس الغير مقبول في المدارس في هذه الظروف.

واختتمت حديثها تركنا الأمر للمسؤولين وننتظر رد فعل سريع لما يحدث في المدارس الحكوميه ملك الناس البسيطه اللي عايزه عيالها تتعلم بدون إرهاق لهم ولا يتحملوا فوق طاقتهم وهذا حقهم القانوني والطبيعي .