"الحب ده أوهام واحلام ".. عمره 6 سنوات يحكي قصة خيانة زميلته له بالمدرسة
تداول رواد موقع التواصل الاجتماعي "فيسبوك"، مقطع فيديو لطفل صاحب ال 6 سنوات من عمره ، وهو يحكي قصة خيانه زميلته في الفصل له، مع زميل آخر لهما، موكدا أن السبب الذي دفعها للخيانة هو المال.
وظهر الطفل بالفيديو وهو يقول"هزقت صاحبتي عشان خاينة، خانتني مع زميلي بسبب الفلوس، الفلوس بتعمل كل حاجة، خانتني مع واحد صاحبي وزميلي كمان في المدرسة، عشان باباه مدير المدرسة، عشان بياخد فلوس كتير، الحب ده أوهام وأحلام، الحب ده مش حقيقة، الحب ده كذب، شتمتهم هما الاتنين، مبقتش بحبها، بقيت بكرهها، والفلوس مبتعملش بني آدم"، بهذه الكلمات شرح الطفل الصغير قصه خيانه زميلته له.
نال هذا المقطع سخرية وضحك من الكثيرين، إلا أن هناك بعض الأشخاص تأثروا من حديث الطفل وتعبيرات وجهه أثناء الحديث، فعلق أحد الأشخاص قائلا: " يا جماعة الحوار مش مضحك خالص، بصوا على ريأكشنات الولد، وأنتوا هتشوفوا على وشه وفي عينه الحزن، الواد مقهور جدا".
وكتبت "هايدي الشربيني": "على فكرة الولد مع أنه صغير جدا وكلامه كبير على سنه، بس في كمية حزن في قلبه مش طبيعية، والموضوع مش مضحك خالص وصعب عليا جدا".
