"وصيتي اتدفن بالنهار.. بخاف من الضلمه".. حكاية الشاب محمد قمصان محارب السرطان

تداول رواد السوشيال ميديا بوست، لإحدي الشباب المحاربين لمرض السرطان، الذي نشره عبر حسابة الشخصي على موقع التواصل الإجتماعي" الفيس بوك"، يشكو فيه من معاناته والألم الذي يحل به يوميا بسبب انتشار السرطان في جسده.

وكتب محمد قمصان عبر حسابه بـ"فيس بوك" قائلا "السرطان انتشر خلاص ان لله وانا إليه راجعون بقالي اربع سنين صابر وراضي وطول الوقت بقول وبشر الصابرين وصيتي ان اندفن بالنهار بلاش بالليل بخاف من الضلمه ياما والله اطلعلكوا من تربتي".

وتابع، "أنا اخدت حظي في الدينا بالمرض والمستشفيات فاضلي المكافأه بالجنه وجع طول الليل هينتهي العلاج هينتهي تعب امي هينتهي عايز منكوا طلب ادعوا لأمي واخواتي وكل الناس اللي بيحبوني بالصبر استودعكم الله الذي لا تضيع ودائعه".

وتبادل عدد كبير من المواطنين عبر مواقع التواصل الاجتماعي الدعوات له، متمنين له الشفاء العاجل، وانتصاره على هذا المرض الشرس.

كان وقد وجه "قمصان" رسالة لوالدته، قائلًا: "بدعي ربنا يشفيني ويقويني وارجع تاني سندك وضهرك زي ما إنتي طول عمرك سنداني، كل سنه وانتي سندي ف الحاجه الصغيره قبل الكبيره كل سنه وانتي مقوياني، ربي أوصيك أمي خيراً و أنت خير من أوصى، فإن سألك فأعطه .. و إن دعاك ف اجبه ".

واستكمل: "فاكر تعب اليالي ومحدش جمبي غيرك، فاكر كل كلمه فاكر لما بعيط من التعب وانتي كمان تعيطي وتقوليلي انا مش عارفه اعملك اي في ايدي اي اقدر اعمله وانا مش هتاخر ثانيه،  فاكر لما كنا بنروح للدكتور وتقوليله انا عايزه افهم ابني فيه اي اقدر اعمله اي اساعده ازي ودموعك محبوسه وتظهري ف كل ثقه عشان مضعفش وكل مجيب سيره التعب تقوليلي انت مفكش حاجه انت زي الفل وهتبقا زي الفل".

وتابع: "دومتي ياامي ودام وجودك وداعمك، بدعي ربنا تعيشي لحد اليوم اللي اقدر اردلك فيه كل حاجه حلوه عملتيها عشاني، دومتي انتي باقية فليذهب الجميع".