"أمهات مصر": شكاوى من ضيق الوقت بامتحانات التجريبية للثانوية اليوم

وشهدت صفحة اتحاد أمهات مصر للنهوض بالتعليم، عبر فيس بوك، تعليقات كثيرة من جانب أولياء الأمور، حيث قالت ولي أمر: "الامتحان كويس بس المشكلة فى الوقت، بنتى حلت 9 أسئلة بس فى الفيزيا بالرغم من إن الامتحان معقول لأن مافيش وقت".

وأضافت: "أسئلة الفيزيا فيها أفكار جديدة بس تتحل، المشكلة كانت في الوقت، الامتحان 30 سؤالا هو وصل للسوال الـ15 بس والوقت انتهي"، وتابعت أخري: "هل يعقل 30 سؤال فيزياء في ٣٠ دقيقة؟، ابني جاوب على 10 أسئلة فقط، يعني يوم ما نكون عارفين نجاوب ميكونش فيه وقت الرحمة من عندك يارب".

وذكرت ولي أمر أخرى: "أنا بالنسبة ليا عندى اتنين توأم، بتاع العلمى ما لحقش يحل غير 12 سؤال فى الفيزيا على ما الامتحان فتح، والتانى الأدبى إمتحان التاريخ ما فتحش أصلا والميس اللى حاولت تحل معاه المشكلة تقوله انت مش متسجل أصلا عند الوزارة على برنامج التنويهات، ازاى يعنى وهو ممتحن عربى وانجليزى وايطالى؟". 

وتابعت أخرى: "الوقت قليل اوي علي الإمتحان في مادة التاريخ، دلوقتى البنات خرجوا من الأحياء نفس الكلام الوقت طبعا قليل جدا في نص ساعة".