ولية أمر تستغيث بوزير التعليم:" بسبب إهمال المدرسة بنتي اتصابت في قرنية العين"
استغاثت مايا محمد ولية أمر طالبة بملحق حدائق المعادي، بوزارة التربية والتعليم والتعليم الفنى، بسبب إصابة طفلتها فى قرنية العين من أحد زملائها أثناء اليوم الدراسي.
وقالت والده الطالبة في شكواها من خلال
منشور على موقع التواصل الاجتماعي "فيس بوك":"غلطتي إني قدمت لبنتي
تجريبي عشان قولت مستوى تعليم أحسن شويه من العربي الحكومة، لكن للأسف بنتي مشفتش يوم
كويس في المدرسة، اتسكنت في ملحق قولت ماشي عشان نوضب ونجيب دسكات ونوضب حمامات ماشي
كل حاجه حاضر وماشي".
وأضافت الأم " في أول يوم دراسة رحت
وديت بنتي مدرستها وسبتها وعرفت معاد الخروج، وباباها راح ياخدها لقي عينه مقفوله ومش
عارفه تفتح".
وتابعت في استغاثتها: " والبنت
سكتت طول النهار عشان الميس كانت فكرها لقدر الله عميه قالتها كده اما انتي مش بتشوفي
مش لابسه نضارة ليه رحت البنت ردت، قائلة "لا ده زميلي حط صباعه في عيني"،
مشيرى إلى أن مديرة شافتها والدكتورة قالوا مفهاش حاجه، وهما أصلا محولوش يكشفو هما
جاب منديل مبلول حطو لبنتي علي عنيها وحتى مفكروش كاامهات يحسو ببنتي أو يتواصل مع
ولي أمرها".
واستكملت ولي الأمر:" روحت بيها لدكتوره
قالت قطع في القرنية وبنتي من امبارح مفتحتش عينيها الاتنين وعلى صرخه وحده مش عارفه
احاسب مين علي الإهمال ده والتعب والوجع اللي بنتي فيه وعياطها وصرخه للاسف إدارة فاشلة
ومدرسة فاشلة حتى في التصرف والتعامل".
