«نهاد أبو القمصان» توضح حقيقة تصريحاتها بشأن تدريس «التربية الجنسية» للأطفال

انتقدت نهاد أبو القمصان، مدير المركز المصري لحقوق المرأة، نشر إحدى المدونات التعليمية جزء من حديثها عبر قناة القاهرة والناس بشأن دراسة التربية الجنسية للأطفال في المدارس.

وعلقت أبو القمصان قائلة إنه من أهداف المدونة الارتقاء بالتعليم، ولكنها قامت بنشر خبر عبارة عن جملة مقطوعة من سياقها فى حلقة التربية الجنسية فى حديث القاهرة على قناة القاهرة والناس، وتابعت: "طبعا قطع جملة من سياقها دا فى حد ذاته نشر للجهل ونوع من الجريمة".

وأضافت مدير المركز المصري لحقوق المرأة: "طبعا الأهالى بيزيطوا ومحدش بيكلف نفسه يفتح اللينك يقرا الموضوع".

وأوضحت: "بدل ما الجروب ينشر مناقشة حقيقية لتطوير التعليم بيروج لأخبار كاذبة.. ولازم يصححها علشان ما يتعرضش لمشاكل قانونية".

محتاجين يرجعوا مدارس تاني

واختتمت قائلة: "عموما لأن بعض الأهالى المحروقين قوى على التعليم بطلت تقرأ أصلا ويرجعوا يشتكوا إن مفيش تعليم، وهما اللى محتاجين يرجعوا المدارس.

ونشرت أبو القمصان نص حديثها الصحيح كالتالي:

"التربية الجنسية للاطفال يعني يعرفوا جسمهم ويحافظوا عليه والفرق بين اللمسة الطيبة واللمسة الشريرة ويحمو نفسهم من المتحرشين .. ناس كتير عندها سوء فهم لمفهوم التربية الجنسية ويجيفى دماغهم حاجه ثانية ..غالبا مل واحد بيفكر فى اللى نقصه او مشكلته مش ازاي يحمي اولاده وبناته من البلاوب اللي بنشوفها ونرجع نتخض من حادثه فى مدرسة او نادي او شارع ونقول ازاي يحصل دا مع طفل؟! رغم الاسهل نعلم الطفل ازاي يفهم ويحمي نفسه".

وكانت نشرت المدونة المشار إليها، أنه دار الحديث في البرنامج عن الثقافة الجنسية، لافتين إلى أن "أبو القمصان" طالبت بضرورة أن يبدأ مع الأطفال من سن 5 سنوات والرد بالإجابات الصحيحة على تساؤلات الأطفال الجنسية فى سن السابعة، مطالبة المدارس بتعليم الأطفال كيفية التعامل مع الجنس الآخر.