أول إجراء «التعليم» ضد مراقب تسبب في تبول طالب

قررت إدارة المعصرة التعليمية، إحالة مراقب للتحقيق، بعد منع طالب بالصف الرابع الابتدائي من دخول الحمام، ما أدى إلى تبوله لا إراديًا.

وقالت مصادر: «المدرسة وقعّت عليه جزاء 3 أيام خصم من الراتب، ولكن الإدارة لم تكتف بذلك، وقررت إحالته للشئون القانونية للتحقيق معه»، موضحة أن والدة التلميذ لم تتقدم  حتى الآن  بشكوى رسمية.

وكانت أمانى الشريف، مسئولة حملة أولياء أمور طلاب التجريبيات على مستوى الجمهورية، قالت في استغاثة بوزارة التربية والتعليم: «فين حق الطفل ده وفين الوزارة من اللي حصل، في مراقب يوم امتحان العربي للصف الرابع الابتدائي فى مدرسة فاطمة الزهراء الرسمية لغات بحدائق حلوان كان واقف على لجنة 2 طلب منه طفل الدخول الحمام، ولكنه رفض وشخط فيه جامد، وقاله أقعد مكانك، ومرضيش يخرجه بالرغم من بكاء الطفل».

وأضافت في منشور لها: «طوال مدة الامتحان ساعتين ونص جلس الطفل متوتر ومش مركز في الامتحان، لانه عايز يدخل الحمام من البرد وفي الآخر مقدرش يمسك نفسه وتبول على نفسه، الطفل مقدرش يمسك نفسه من التوتر والسقعة والقلق وشخط المدرس فيه، وطبعًا ضيع مجهوده، لأن الولد محلش حاجة ولو حل أكيد حل بدون تركيز».

واستكملت: «المدرسة كلمت الأم وأحضرت غيار تاني للطفل علشان يعرف يكمل امتحان الدين في البرد ده، الأم عملت مذكرة في المدرسة ومافيش حاجة تمت وبتبكي منهارة»، متابعة: «نطالب بمحاسبة هذا المراقب الذي تجرد من الإنسانية والرحمة».