السيسي: آلاف الطلبة من كلية الآداب بيتخرجوا.. هو سوق العمل فيه الكلام ده؟
قال الرئيس عبد الفتاح السيسي، إنه من المهم ربط سوق العمل بالتعليم، لكن المواطن يريد إدخال ابنه للجامعة فقط.
وأضاف خلال فعاليات
إطلاق المشروع القومى لتنمية الأسرة المصرية اليوم الاثنين: "لما أخرج آلاف الطلبة
من كلية الآداب أقسام جغرافيا ولا تاريخ.. هو سوق العمل فيه الكلام ده؟".
وتابع: "إنتو عاوزين إيه.. عاوزين تعلموهم لسوق العمل ولا عاوزين تغسلوا إيديكم إنكم علموتهم وخلاص.. العدد اللي بيخرج ملوش مكان".
وفي ذات السياق، كشف الرئيس عبد الفتاح السيسي، عن أعداد الطلاب الذين انطبقت عليهم شروط الحصول على تدريب على نفقة الدولة بقيمة 30 ألف دولار لكل طالب.
وقال الرئيس خلال كلمته في تدشين مشروع تنمية الأسرة المصرية: "لما اعمل اختبار لـ 200 أو 300 ألف سنجد أن المعايير تنطبق على 50 %؟ بتظلم شبابنا وتعليمنا لقيت 111 شابا فقط، علشان تعليم تعبان كنت مستعد لو فيه 100 ألف طالب قسما بالله قلت هدفعلهم 30 ألف دولار لكل طالب".
وأضاف رئيس الجمهورية: "يا مصريين اصحوا إذا كنتم خايفين على بلدكم انتبهوا القضية كبيرة جدا قضية بناء مواطن، انت بتجرى على إنك تدخلوا كلية وخلاص وبتحطوا جوه المدرسة وخلاص، وفاكر إنك بتجهز ابنك، وفيه كلمة النبي محمد صلى الله عليه وسلم قال اعقلها وتوكل".
وتابع: "حد قال لبنته لما تيجي تتجوز انتظرى سنة أو اتنين وخدى نفسك وعيشى وتتعودى على الحياة الجديدة، مبتكلمش على تنظيم أسرة خالص، انا قلت لبنتي كده قلت استنى سنتين تلاتة على الأقل".
ويعد الهدف الاستراتيجي العام لخطة تنمية الأسرة المصرية، هو الارتقاء بجودة حياة المواطن والأسرة بشكل عام من خلال ضبط معدلات النمو المتسارعة، والارتقاء بخصائص السكان.
وتعد خصائص السكان أحد عوامل قوة الدولة، مستوى التعليم، معدل الفقر، فرص العمل، فالقضية السكانية هي قضية شعب مصر، فمن المهم أن تتكامل كل الوزارات في هذه القضية حتى نتمكن من إدارة القضية السكانية، من منظور تنموي وحقوقي، فتحقيق التنمية، لا يمكن أن يتم في ظل النمو السكاني المرتفع.
