«العلم بيستر».. رسالة حمو بيكا لطلاب الثانوية العامة قبل امتحاناتهم
وجه مغني المهرجانات حمو بيكا رسالة لطلاب الثانوية العامة والكليات، بالتزامن مع قرب انطلاق امتحانات نهاية العام الدراسي 2021/2022.
وقال بيكا في رسالته« أنا مش متعلم وحصلت على محو الأمية بالعافية، لكن ده مش حاجة تفرح ولا تقول عندك بيكا اهو مش متعلم بس ناجح».
وأضاف مغني المهرجانات:« صدقوني والله طعم النجاح مع العلم مختلف تماماً عن طعم النجاح من غير علم العلم بيفرق في كل حاجة في الدنيا ، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها ».
وتابع :(العلم بيستر كتير ويجعلك واعي ومتفتح في كل مجالات الحياة، ورغم أن الشارع علمني كثيرا، ولكنه ليس كالمدارس والجامعات ، حتي لو لم تعمل بشهادتك وحتي لو دخلت كلية لا تحبها ، لكن يكفي انك متعلم ومعاك شهادة تقدر تسد بيها عين الشمس اتعلموا وخلوا بالكم من تعليمكم وشهداتكم لأنها هتفرق كتير معاكم ومع أبنائكم.
واختتم رسالته قائلا:( اوعي يوم تقول اهو فلان ناجح بس مش متعلم).
