رسالة أم لابنها بعد امتحانات الثانوية العامة «اعذرني كنت قاسية لمصلحتك»
بعد انتهاء ماراثون امتحانات الثانوية العامة 2022.. كتبت ولي أمر طالب بالصف الثالث الثانوي، رسالة إلى نجلها كدعم له نتيجة مشواره طوال فترة المرحلة الثانوية.
فقالت داليا الحزاوي، ولي أمر الطالب في رسالتها:" إلى ابني الغالي رامي، مبروك عليك الإجازة بعد تعب وشقى سنة كاملة كنت فيها راجل، بجد عملت اللي عليك وزيادة علشان كدة أنت في نظري بطل مهما كانت النتيجة".
واستكملت الأم:" بدعو ربنا من كل قلبي أنه يجبر بخاطرك، وخاطرنا كلنا، وتحقق أحلامك وتكون زي ما أنت عاوز".
وأضافت: عارفة إني كنت أم شديدة وحازمة طول سنوات دراستك، وبالأخص السنة دي بس أعذرني كل ده لمصلحتك وهتعرف ده قدام.
واختتمت الأم في رسالتها: مستنياك تخلص اللجنة عشان أحضنك، وأقولك خلاص خلصنا والمشوار الطويل انتهى، يارب يكمل على خير".
