عاجل.. الفتاة المنتقبة صاحبة صورة الدليفري تشعل السوشيال ميديا.. وهذا أول تعليق منها

تداول مستخدمو مواقع التواصل الاجتماعي صورة لفتاة ترتدي النقاب وتقود دراجة نارية لإحدى شركات التوصيل في شوارع الجيزة.
 

ولاقت الصورة رواجا كبيرا بين مستخدمي مواقع التواصل، ما بين مؤيد لعمل الفتاة ومعارض لركوب العجلة بالنقاب.

أول تعليق من فتاة الدليفري
وفي أول تعليق ردت الفتاة رنا عمر، صاحبة الصورة على تصدرها التريند، قائلة: توضيح أنا بإذن الله هتم الـ 3 سنين يوم 23 أكتوبر، للبسي النقاب وأنا نزلت طلبات من شهر 6 اللي فات في لبسي ده مش عشان طلبات لا خالص.

وأضافت عبر صفحتها على فيسبوك: التوضيح التاني اللي صور الصورة مش عارفة أقول إيه، بس هو حتى مستأذنش إنه يعمل كدة وده أصلا غلط مع أي حد مش أنا بس.

وتابعت: التوضيح التالت  للناس اللي قالوا لا يجوز، ادخلوا على إسلام ويب.. ركوب العجل والإسكوتر مش حرام ومن ناحية الشغل، فهو مش عيب الحمد لله، بس الغريب مشوفتهمش بينتقدوا بتوع التيك توك..  يلا ربنا يهدي الناس.

الشغل مش عيب
وأكملت: أي حد كان بيحاول يعمل أي حاجة عشان يطلع ترند بصورتي أو يكسب من وراها،  فربنا يهديكم والله، مضيفة:  أنا  رأيي في أن البنت تشتغل.. لا بلاش إلا لو كانت مضطرة، غير كدة بلاش، لأن هيكون سبب فتن كتير جدًا والشارع مؤذي والله.. وأي حد علق وحش وبيتهمني فشكرًا وجزاك الله خيرًا.

واختتمت قائلة: أخر حاجة جزاكم الله عني خيرًا، وجزاكم الله خيرًا.. أي حد حاول بتواصل معايا وكان يحاول يساعد، عدم تقبلي لي المساعدات لأن ربنا كرمني في الشغل ومش محتاجة  ماديات، وشايفة إن في ناس أشد مني احتياجا بكتير، وربنا يجعلو في ميزان حسناتكم.. طريق ربنا والحلال حلو والله الجنة تستاهل.

وفي سياق متصل، نشر صاحب إحدى شركات الملابس منشورا يقول فيه إنه تواصل مع الفتاة من أجل توفير فرصة عمل تناسبها، قائلا: حددت لها مقابلة في الشركة عندنا، عشان نقدر نشوف لها وظيفة آدمية متناسبة مع طبيبعتها كبنت.