عاجل.. بيتكلم إنجليزي بطلاقة| رفض «نوح» من 20 مدرسة.. والتعليم تتدخل

«نوح عايز يتعلم ومرفوض من 20 مدرسة علشان بيتكلم إنجليزي بطلاقة»، هكذا تداولت هذه الجملة تحت هاشتاج (حق_نوح_فى_التعليم)، عبر صفحات السوشيال ميديا.

وتداولت قصه الطفل "نوح" مواقع التواصل الاجتماعي، وقال أولياء الأمور في استغاثتهم:" نوح مشكلته أنه نابغة وعمره حاليا ٨ سنوات ونصف وعنده مهارات مش عند حد ومبدع وعبقري وبيصمم أفلام كرتون ويعمل دوبلاج وبيستخدم برنامج اسكراتش وبيغني وبيعزف وبيرسم طيب ايه المشكله؟..المشكله اللي عند نوح لو في بلد تانيه أكيد مش هتبقى مشكله لكن هيتخطف في كل المدارس ويتهافت عليه رجال أعمال". 

وتابع رواد السوشيال ميديا: "مشكلة نوح أنه مابيعرفش يتكلم عربي لكن يقدر يتكلم وينطق ويكتب ويقرأ انجليزي وكأنها هي اللغة الأم.. مولود كده بدون أي تأثير من البيئة المحيطة، دي متلازمه معروفه ويمكن سبق وشوفنا نماذج كتير زيه ومثل على كده بيبرس ممدوح اللي شوفناه السنه اللي فاتت عمره ١٥ سنة من اسكندريه ومر بنفس المعاناه وكانت والدته بتناشد الدوله تعفيه من اللغة العربيه وامتحانات اللغة العربيه لأن دي مشكله مرضية مش بإديها ".

وأضافوا: "نوح تقريبا اترفض من ٢٠ مدرسه خاصه لغات، نوح دلوقتي عمره ٨ سنوات ونصف ومش بيتعلم قاعد في بيتهم المدارس رفضاه ورافضين حتى يسجلوه.. نوح بعد ٦ شهور مش هيكون له حق وكل أطفال طيف التوحد اللي زي نوح محتاجين دعم من الرئيس عبد الفتاح السيسي، للالتحاق بالمدارس  والوقوف بجانبهم".

رد التعليم:

ومن جانبها، استجابت إيمان صبري، مسئول التعليم الخاص بوزارة التربية والتعليم والتعليم الفني، لاستغاثة أسرة الطفل" نوح" المصاب بالتوحد للالتحاق بالمدرسة بعد رفض المدارس بقبوله، الذي تصدر صفحات السوشيال ميديا خلال الساعات الماضية بهشتاج"حق نوح في التعليم".

وقالت:" أرسلت رسالة لوالدته أنها تشرفني بالوزارة عشان نحل المشكلة.. إن شاء الله نتدارك الأمر".

وأضافت صبري، في تصريحات لها عبر جروب"حوار مجتمعي تربوي" عبر تطبيق "الواتس أب": "نوح طفل تفخر بيه مصر كلها وللأسف هناك مدارس عديدة تحاول التملص من ذوي الهمم رغم اهتمام رئيس الجمهورية بنفسه بهذا الملف التربية الخاصة".