عاجل.. «جاية من الغيط».. طلاب يتنمرون على أستاذة جامعية.. ورد صادم من الدكتورة | صور
شهدت منصات مواقع التواصل الاجتماعي، حالة من الاستياء، بعد تداول صور لمحاثة جماعية بين طلاب وعضوة هيئة تدريس بإحدي الجامعات عبر تطبيق واتس آب، وذلك لتنمر الطلاب على الأستاذة الجامعية خلال المحادثة.
جاء في نص المحادثة، طالب يقول: «جدعان هو الشابتر التالت ده بتاع الدكتورة القصيرة التخينة شوية دى؟ ولا الدكتورة التانية؟»، ليرد آخر «أيوه هى اللى كانت لابسة قميص أخضر كأنها جاية من غيط البرسيم دى».
وذكر طالب ثالث:«يا جدعان يا أدمن.. امسحوا بسرعه الدكتورة معانا على الجروب قبل ما تشوف الرسايل ونشيل المادة بسببكم».
ليفاجئ الطلاب برد من عضوة هيئة التدريس قائلة: «ولاد الله يهديكم ضحكتونى.. ابنى وأنا نازلة بالطقم ده قالى الطلاب هيتريقوا عليكى وسبحان الله كلامه صح.. مالهم القصيرين يا ولاد؟ ده أنا عسل، وبعدين إيه تخينة دى هى الهدوم اللى بتنفش إنما أنا واخدة وزن مثالى، مش هشيل حد ولا حاجة يا حبايبى بالعكس، ضحكتونى وفكرتونى بكلام ولادى ربنا يحميكو».
وتابعت قائلة: «الامتحان هييجى مباشر ومن التعريفات اللى ركزت عليها.. ربنا يوفقكم».
قوبل رد عضوة هيئة التدريس، بحالة من التعاطف من رواد منصات السوشيال ميديا، والتأكيد أنها دكتورة في الأدب والأخلاق، مطالبين الطلاب بالاعتذار إلى الأستاذة الجامعية وأنها في منزلة والدتهم.
