"خرابة بيوت".. التفاصيل الكاملة وراء طلاق تامر حسني وبسمة بوسيل

كشفت الفنانة المغربية بسمة بوسيل، عن سبب طلاقها من الفنان تامر حسني.

وخرجت بسمة بوسيل عن صمتها، لأول مرة، حيث تحدثت عن مديرة أعمال طليقها تامر حسني، مؤكدة أنها سبب رئيسي في طلاقها من المطرب.

نشرت بسمة عبر خاصية "ستوري" بحسابها على "انستجرام"، صورة لطليقها مع مديرة أعماله هالة عمر، وذلك من حفل زفاف الأخيرة.

وعلّت بسمة على الفيديو قائلة: "حسبي الله ونعم الوكيل فيكي يا هالة".

وفي "ستوري" آخر، أوضحت الفنانة المغربية أن مديرة أعمال تامر حسني سبب رئيسي في انفصالهما، حيث قالت: "احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك."

يأتي هذا بعدما نشر الفنان تامر حسني فيديو عبر حسابه بموقع "انستجرام"، من حفل زفاف هالة عمر مديرة أعماله.

وكتب تامر تعليقا على الفيديو قائلًا: "لـ كل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها."

وأضاف: "لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة."

وتابع: "وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب."

وواصل: "فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله."

واختتم تامر حسني منشوره بالقول: "ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله."