الرئيس السيسي: "الجامعات اللي اتعملت تكفي الطلب على التعليم حتى 2050"

أكد الرئيس عبدالفتاح السيسي رئيس الجمهورية، أن الجامعات التي تم إنشائها خلال الـ6 سنوات الماضية تكفي الطلب على التعليم حتى العام 2050.

وأضاف الرئيس، ردًا على طلب أحد الأهالي بإنشاء فرع لجامعة الأزهر بالمنطقة: قائلًا "الجامعة دي علشان تتعمل على 22 فدان هيبقا فيها تخصصات مختلفة، بس الجامعات اللي اتعملت على مستوى الدولة خلال الـ6 سنين اللي فاتت تكفي الطلب على التعليم لغاية 2050".

وتابع الرئيس السيسي، حديثه: "عاوز تعليم سواء أزهر أو غيره ممكن اقولك حاضر وندرس، بس أنا متعودتش على كده، اتعودت على إني أتكلم معاكم بموضوعية".

الرئيس السيسي عن ارتفاع الأسعار: "الأكل غالي بس احنا بنبني دولة"

وققال الرئيس عبدالفتاح السيسي، إنه يعلم أن الأكل غالٍ، مشددًا على أن الدولة تحاول معالجة تاريخ طويل.

وأضاف الرئيس السيسي، خلال كلمته بالمؤتمر الوطني للشباب في الإسكندرية: "بقول كده علشان كتير مننا يقول الأكل غال، صحيح، بس احنا بنحاول بناء الدولة ومعالجة تاريخ طويل، عاوز اقولكم على حاجة مردتش أقول للدكتور مصطفى وقف محور المحمدية وورى الناس كان شكله عامل ازاي؟ والناس كانت راضية وساكتة، يعني تخليه كده؟، اوعوا تزعلوا من اللي هقوله، ناكل ولا أشيل وأخليه زي ما انتوا بتشوفوه دلوقتي، وتبقا الدنيا صعبة شوية، أسيب الناس مرمية في الشوارع ونايمة في الصفيح والأكل موجود ناكل، ولا أشيل الناس واسكنهم في بشاير الخير والدنيا تبقا غالية شوية".

الرئيس السيسي: بيقولوا بيهد الجوامع والبلد بتحب الطرق.. انتوا واخدين بالكم يعني إيه دولة؟

كما قال الرئيس عبدالفتاح السيسي، إنه عندما نفذت الدولة المصرية المشروع القومي ترعة المحمودية بطول 20 كيلومترا، كان كل الناس يشكون على مواقع التواصل الاجتماعي وفي الجرائد وغيرها، وكان البعض يقول إن الدولة تزيل المساجد.

وأوضح الرئيس، في كلمته بالمؤتمر الوطني للشباب ببرج العرب بالإسكندرية: "كانت الناس بتقول الدولة بتهد الجوامع ويا مسلمين وحرام عليكم، يا سيدي هنرجع الجوامع تاني وهنرجع الكنائس تاني بس هنرجعها صح، وأنا بكلمكم كده إحنا شغالين في امتداد محور المحمودية الـ55 كيلومتر، علشان أوصل للبحيرة، علشان تبقى أنت من الإسكندرية وتكمل المحور لغاية البحيرة ويبقى محور بديل، ويقولك بلد بتحب الطرق، انتو مش واخدين بالكم يعني إيه بلد ولا إيه، الدولة حاجة تانية خالص، الدولة في تخطيط والتخطيط ده بيقوم به علماء ودكاترة جامعة ودكاترة في الوزارات المعنية وبتضع تصور ولو قدرت الدولة تعمله خير، ولو ما قدرتش يبقى خطط على ورق".

وأكمل الرئيس السيسي: "علشان أكمل موضوع محور المحمودية، كان اللواء هشام آمنة محافظ للبحيرة، جه قالي يا فندم علشان أشيل الناس الموجودة على محور المحمودية في الجزء عندي أنا عايز 800 مليون جنيه وده من 3 سنين، والحكومة وفرت الـ800 مليون وشلنا كل التعديات الموجودة ولكن كان فيه قدام التعديات دي تعويض اجتماعي، ماقلناش إن اللي تعدى ده الأرض مش أرضه وعلى حرم الترعة، وقلنا لا مانقدرش نسيب الناس دي بالطريقة دي، فحصلوا على شيء من التعويض".

وأردف الرئيس: "إحنا بقالنا 3 سنين بنعمل 55 كيلومتر، ولو النهارده الـ55 كيلو دول بعملهم في أي أرض صحراوية ياخدوا مني 6 أشهر، حد يقولك أنت تقصد إيه، أقصد أقول إن بناء الدول وإصلاحها أمر ليس باليسير، وأنا كإنسان منكم أمين معاكم وأمين عليكم، واللي هيحاسبني ربنا، بالمناسبة حسابكم أنتو سهل جدا، لكن حساب رب البشر ربنا شايف كل حاجة ومطلع على كل حاجة".