لـ الطلاب وأولياء الأمور.. يا ترى قدوتك مين؟
كل إنسان في الحياة لا بد أن يكون له "قدوة".. يا ترى كل واحد من أبنائكم قدوته مين؟، بهذا السؤال، وجهت عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، حديثها إلي أولياء الأمور.
وقالت عبير، إنها وجهت هذا السؤال للتركيز على "القدوة" وإحياءها بين أولياء الأمور من الأمهات مع أبنائهم، وذلك نظرا لأهمية وجود قدوة حسنة لأبنائنا يقتدوا بها وتكون دافع لنجاحهم في مختلف المجالات.
وشددت عبير علي أهمية حسن تصرفات وأسلوب الآباء والأمهات في جميع معاملاتهم، لافته إلي أن الأبناء يفعلون ويقلدون تصرفات الوالدين سواء كانت جيدة أو سيئة، وبالتالي لابد أن يكونوا قدوة لهم.
وتفاعل أولياء الأمور على صفحة اتحاد أمهات مصر وائتلاف أولياء الأمور، فيسبوك، حيث قالت ولي أمر: "القدوة للجيل ده مختلفة لأنهم جيل سابق وثقافته غيرنا خالص، بس فى العموم انا وباباهم القدوة فى أغلب الأمور ومبدأ الحرام والحلال والصح والغلط".
وأضافت ولي أمر أخري: "بابا وماما وشيخه معلم القرآن والطفل الجميل القارئ عمر علي ربنا يبارك فيه"، وتابعت أخري: "حقيقة قدوتهم أنا وباباهم دايما.. الطفل فعلا بيحاول يقتدي بأهله في تصرفاتهم وأفعالهم لأنهم دائما هما اللي أمامه في كل الأوقات الطفل مرآه لأهله".
وقالت ولي أمر أخرى: "هما دايما شايفين أنا قدوتهم بعلمهم يتعاملوا بالأحسن وأسلوبهم يبقى كويس مع اللى حواليهم وإن الكلمة الطيبة صدقة ودايما يكونوا أفضل من غيرهم وميتعلموش من اللى حوالهم ويقتبسوا الشيء السيء زي اللى بنشوفه الأيام دى وربنا يحفظ أولادنا جميعا يا رب".
وذكرت ولي أمر: "هما بيتعاملوا دايما معايا إن أنا قدوتهم وأنا بقولهم شوفوا دايما الناس الأحسن منكم واتعلموا منهم، شوفوا الصاحب الكويس والمدرس المحترم واتعلموا تكونوا أفضل ودايما تكونوا أحسن"، وأضافت أخري: "بصراحة البنات عندى أنا وباباهم قدوتهم وفرحانة بيهم جدا إنهم فاخورين بينا وبيتعلموا مننا حاجات كويسة وبتمنى يفضلوا كده على طول ونفضل مثلهم الأعلى".
