"مش هقدر اسكت أكتر من كدا".. زميلة طالبة المنوفية المتوفية تكشف لحظاتها الأخيرة
عبرت زميلة الطالبة منار التي توفيت اليوم داخل لجنة امتحان الفيزياء، عن حزنها، بمنشور علي الفيس بوك قالت :" هكمل امتحانات ازاي بعد المنظر اللي شوفته النهارده قبل اللجنه بثلث ساعه كان في واحده بتموت قدام عيني ومحدش قادر يعملها حاجه وكل العيال خايفه تقربلها بعد ما قعدنا ١٠ دقايق ننادي علي حد او يكلمو الإسعاف وكل بيجري ويصوت قبل اللجنه بعشر دقايق ازاي عايزني ادخل اركز ف الامتحان بعد اللي حصل دا ".
وأضافت في منشورها :" انا حتي الآن لم أعلق على اي امتحان وبقول الحمد الله .. كله خير .. بس مش هقدر اسكت اكتر من كداا .. ازاي كل دا بيحصل عشان شويه امتحانات لا راحت ولا جت .. كل يوم حد من صحابنا بيموت .. كل امتحان حد ينتحر .. بقينا كل امتحان بنقول الدور على مين فينا .. الواحد مبقاش همه حاجه غير ان يعدي من السنه دي ونخلص .. مش عايزين كليات قمه ولا زفت .. أدعولنا نطلع منها علي خير عشان الواحد بقى مرعووب بجد".
