"افتخروا بأولادكم".. ماذا قالت أمهات طلاب الأدبي بعد انتهاء امتحانات أبنائهم؟
"إلى كل أم وكل أب، افتخروا بأولادكم
أيا كان الإمتحان وأيا كانت النتيجة،
ونحمد ربنا إنهم طلعوا من الإمتحانات على خير، وأهم حاجة وجود أولادنا فى حياتنا".
الفقرة السابقة بوست نشرته إحدي أولياء أمور طلاب القسم الأدبي بالثانوية العامة علي صفحة إتحاد أمهات مصر للنهوض بالتعليم، برئاسة عبير أحمد، في الفيس بوك، عقب إنتهاء الطلاب من إمتحان اللغة الأجنبية الأولي في آخر أيام الإمتحانات للقسم الأدبي، موجهه حديثها لأولياء أمور الطلاب.
وتفاعل المئات من أولياء الأمور علي صفحة الإتحاد، حيث قالت ولي أمر: "الحمد لله حياتهم بالدنيا وما فيها ربنا يفرحهم يارب".
وأضافت ولي أمر: "قلت الكلام ده لإبني أكثر من مرة والله وقلت له أنت تدخل الجنة بشهادة ألا إله إلا الله مش بشهادة الثانوية العامة، ربنا يكرمهم ويسعدهم ويبارك لنا فيهم ويقر عنينا بهم وبصلاح حالهم".
وذكر ولي أمر أخري: "الحمد لله على كل شئ بس الواحد زعلان على الشقي والتعب والمجهود والسهر عيالنا مقصروش واتظلموا"، وتابعت أخري: "الحمد لله على وجودهم في حياتنا وربنا يوفق كل واحد في الكلية اللي هيدخلها ويتفوق فيها بإذن الله".
واستكملت أخري: "فعلا عندك حق،
زي ما تكون النتيجة حتى لو رسبوا
المهم وجودهم في حياتنا لأن فقدانهم وعدم وجودهم هو ده أصعب إحساس ومفيش أم تقدر تستحمل الإحساس ده،
ربنا يخلي أولادنا وميحرمناش من وجودهم في حياتنا وميحرقش قلب أم على ضناها دي أصعب إحساس".
